Bidalita: 10-01-2010 12:47
Erregistro-data: 16 urteak lehen
Mezuak: 267
EITBko euskara zerbitzutik:
ELURRA
Elur arin: mehea, lodia ez dena.
Elur gogor (nieve dura)
Elur handi: elurerauntsi ederra.
Elur izoztu (nieve helada)
Elur larri: erauntsi ederra. (= elur handi) (¹ elur xehe)
Elur-baltsa: elurra urtzen hasitakoan sorturiko lupetza. (= elur-gesal. 2)
Elur beltza: elurra urtzen hasita. (= elur-gesal. 2)
Elur-birrin: oso bikor txiki eta opakodun elurra.
Elur-bisuts: haizeak eragiteko moduko elur xehea.
Elur-bizi: elur multzoa jaustea. (=elur-jausi, elurrauso, elur-lurte)
Elur-busti: euriarekin nahasturik datorrena. (= elur-euri)
Elur-eraso, -erauntsi, -jasa: elur-ekaitza.
Elur-euri: euriarekin nahasirik datorrena. (= elur-busti)
Elur-garo: elurbusti xehea, haizeak bultzatua. (cellisca)
Elur-garosa: ale txikia, arina.
Elur-gazura: elur ugaria.
Elur-gesal: 1.geruza mehea. / 2. urtzen hasitakoa. (= elur-baltsa)
Elurhauts (nieve en polvo)
Elurhauts gogor (nieve en polvo dura)
Elur-jausi: elur multzoa jaustea. (=elurbizi, elurrauso, elur-lurte)
Elur-lakatz: urtu ez den elur izoztua.
Elur-lapats: lurra nekez estaltzen duena, oso geruza mehea.
Elur-lapasta: lurra nekez estaltzen duena, oso geruza mehea.
Elur-lapatx: maluta txiki eta gogorra, txingorraren antzekoa (=pikor, txipitx, txingo)
Elur-luma: elur-ale bakoitza. (=maluta, malko, malo)
Elur-lurte: elur multzoa jaustea. (=elur-jausi, elurrauso, elurbizi)
Elur-malko: elur-ale bakoitza. (=maluta, luma, malo)
Elur-malo: elur-ale bakoitza. (=maluta, luma, malko)
Elur-maluta: elur-ale bakoitza. (=luma, malo, malko)
Elur-mataza: elur-ale handia. (cf. luma, maluta, malko)
Elur-nabar: guztiz gatzatu edo urtu gabeko elurra.
Elur-olde: batbatean jausitako elur multzoa (=elur-bizi, elur-lurte, elur-jausi, elurbildu, elurrauso)
Elur-pikor(ta): pikorka, ale txikika jausten den elurra. (nieve granulada)
Elur-salda: zapaldu eta zikindurikoa.
Elur-txingo: oso maluta txikiko elurra.
Elur-txipitx: hasieran botatzen dituen luma txikiak, sumatzen ez direnetakoak.
Elur-xehe: ale txikikoa (nieve en polvo)
Elur-xintxar: elur-maluta txikia. (¹ mataza) (cf. luma, maluta, malko)
Elur-zaparrada.
Elurketa: elur-zaparrada.
Elurbildu: elur multzoa jaustea (=elur-jausi, elur-lurte, elur-bizi, elurrauso, elurrolde)
Elurrauso: elur multzoa jaustea. (=elur-jausi, elur-lurte, elur-bizi)
Eluso: elur-alea. (=maluta, luma, malo, malko)
Eluts: oso elur fina, mehea
Elur-pats:: elur zapaldu eta zikindua Sekulako patsa zegoen kaleetan.
Udaberrielur (nieve primavera)
ESAPIDEAK
Elurretara egon: elurraren antza ageri, elurra ekarri.
Elurretara eman: elurraren zantzua hartu.
Elurra ezarri: gogortu. / metro erdi ezarri du.
Elurra gatzatu: elurra gogortu (cuajar).
Elurra gesaldu: elurra urtu.
Elurra nabartu: zuritu, elurrez estali.
Elurra urtu.
Elurtu: 1. elurra egin / 2. elurrez estali, jantzi.
Lanbera egon: elurra bigundu, arboletatik jausten hasi.
Lanberatu: elurra bigundu, arboletatik jausten hasi.
Lurmendu: elurra urtu edo kendu, leku guztietan ez bada ere.
Lurmen egon: zuritu barik, bai elurra gogortu ez delako, bai urtu egin duelako.
Narras egin:: elurra edo lurra beherantz egin, etorri
Elurra mara-mara / bala-bala / zara-zara / malo-malo ari.
Elurra atarian izan: etxe parean.
Elurra alazo egin: oparo bota.
Elurra garratz egin: indartsu, gogoz.
Elurra gogoz / gogoki: oparo bota.
Elurra lodi ari: gelditu barik, matazaka.
Elurra mardul / gilboka ari: oparo bota.
Elur gizenak bota: oparo, lodi.
ESAKERAK
- Elurrak ixten ditu ateak. (Intza)
- Garizuma erdia negua zen, osorik ere ez bazen. (Intza)
- Aran urtia, elur urtia: elur urtia, aran urtia (Intza)
- Ilbeltza txuri? ez ardi ez axuri. (Intza)
- Edururte, gariurte (año de nieves, año de bienes)
- Edurra goianbehian, zetaia buruan, zer izango ete da aurtengo neguan?
- Edurra teilatuan abarra basoan, taloak egiteko uruna auzoan.
- Edurra teilatuan, sakua lepoan, ibili beharko dogu aurtengo neguan.
- Edurraren gaineko hegoa, kapa daukanentzat beroa.
- Elurra, zuria delarik, beltza da.
- Edurra, zuria dala, baltza da.
- Urriko edurra, zortzi hilebeteko eldurra.
- Kandelario, edurra dario; San Josek lagunduko dio.
- Kandelarioz edurra, joan da neguaren bildurra.
- Kandeleraz bildurra, Santa Agedaz edurra.
- Elur, melur, enuk hire beldur: badiat etxean arto ta egur.
- Ururte, elururte.
- Eizak, eizak ebia, gure etxean bazegok garia. Eizak, eizak elurra, gure etxean bazegok egurra. Eizak, eizak kaskabikoa, gure etxean bazegok hanka bikoa.
- Elur askoko urtea, urte dohatsua.
- Elur larriak egunaldi; elur xeheak, elur handi.
- Elur melur, enuk hire beldur, etxean badiagu arto eta egur.
- Elur xeheak elurte handi, elur larriak egunaldi.
- Elururte, zituurte.
- Izotz handia, elur gura; neskatxa ederra, dantza gura; neskatxa zakarra, mutil gura.
- Txinbilourte, elururte.
- Tzizerkorra ta elur, ni Jaunaren beldur.
- Hobro iraiten du barridean emazte gaixtoak ezik martxokoan elurrak.
- Baxaranurte, elururte.
- Gaur hotz, bihar izotza, etzi elurra, banuen beldurra.
- Lantxerra martxoan noraino, apirilean elurra haraino.
- Martxoan arie gorri, goizoro elur berri.
- Marxoan lantxerra noraino, aprilean elurra karaino.
- Martxoan lainoa norartio, aprilean elurra karartio.
- Abendoan elurra burdinez, urtharrilan elurra altzairuz, otsailan elurra zurez, martxoan elurra urez.
Karma: 0 -
Votos positivos: 0 -
Votos negativos: 0