Uste ez banuen ere, azkenean sasoi hau hasteko modua izan dut. Nire lehengusina bati ezker apartamendu merke bat lortu genuen Ordinon eta hara joan ginen asteartean, printzipioz bost egunetan Vallnorden eskiatzeko, hots, asteazkenetik igandera.
Egia esateko, ez nengoan ni oso konbentziduta. Andorran behin egonda nintzen, Grandvaliran, eta ez zitzaidan hango kontzeptua batere gusta. Bestela ere, Vallnordetik entzundakoak ez ziren oso deigarriak ere. Baina merke aterako zitzaigula ta sikieran egun batzu eskiatuko nituela... azkenean animatu ginen.
Eta primeran pasa dugu. Ez dauka Grandvalirarekin zerikusirik, herrixkak Piriniotako beste bailarako edozein herrixkak bezalakoak dira, La Massana kenduta. Apartamentu asko, baina nahiko zainduta.
Eta eski estazinoek benetan harritu naute.
Pal eta Arinsal, lotuta egonik nahiko aukera polita dira "eski familiarra" egiteko, eta beharbada haxegatik dira ezagunak. Pista zabalak dauzkate pinudien artean eta benetan zainduak. Baina pinuen artean beste egitekoak ere topa nituen
Asko ta asko egin ahal da pinuen artean.
Arinsalek berak, txikiena izanda eta beharbada errezena (Coll de la Botella kenduta) ere harritu ninduen, kanal batzu ere topa nituen, eta kanalek erotu egiten naute
Argazzkitan ikus daitekenez, jende askorik ere ez genuen topa
Eta azkenerako Ordino-Arcalis. Beharbada Arcalisek badauka ohituago gauden paisai horretariko bat, bertikalagoa, haitzak eta korridoreak nonnahi. Oso txikia izan arren, pistetatik kanpo egiteko aukera amaitezina dauka, batez ere L'estany aldean.
Benetan merezi izan duen bidaia izan da, errepikatzeko modukoa. Batez ere, azkenean hiru egunetan baino ez genuela eskiatu kontutan izanda.
On egin dagizuela... niri egin didan moduan...
Beste bat arte
Skiing is a very personal experience. You don't have to do what everybody else is doing.
It's kind of like dancing. You don't have to be good to enjoy dancing.
You just kind of get with the rhythm. In this case, the rhythm of the mound, the rhythm of the snow.
C. Crozer -In pursuit of soul
